Шымкентте жас жігітті әскерге күштеп әкеткен видео желіде талқыға түсті

Шымкент қаласында ер адамды күшпен көлікке мінгізіп жатқаны түсіп қалған видео желіде қызу талқыға түсті.

Болған оқиғаны куәгерлер видеоға түсіріп алған. 

«Шымкентте әскерге қалай күштеп алып кетуге болады?! Сұмдық қой. Көшеден алып кетіп жатыр, тіпті ата-анасына қоңырау шалуға мүмкіндік берген жоқ. Көршім ұлын бір күн іздеп, полицияға шағым түсірді. Сол кезде ғана әскерге алып кеткенін білген. Мұны қалай түсінуге болады? Тым болмағанда шақыру қағазын жіберу керек. Өздерінің ата-аналары жоқ секілді. Осымен төртінші күн әр ауданда жігіттерді күшпен әкетіп жатыр, қой секілді бір көлікке 6-7 адамды отырғызған» деп жазды видео авторы.

Әзірге видеоға қатысты ресми түсініктеме берілмеді.