Шымкентте жан түршігерлік жол апаты орын алды

Қайғылы оқиға 20 наурыз күні Абай ауданында болған. Үш адам оқиға орнында көз жұмды, қалғандары ауыр халде ауруханаға жеткізілді.

ОТЫРАР хабарлауынша, Абай ауданында мереке қарсаңында – 20 наурыз, түнде адам өліміне әкелген жол апаты орын алған.

Әл-Фараби көшесі мен Алматы тас жолының қиылысында Hyundai Starex, Toyota және Daewoo Gentra үш көлік соқтығысқан.

Қатты соққыдан кейін бірнеше адам көліктен бірден асфальтқа ұшып кеткен.

Үшеуі оқиға орнында көз жұмды. Оқиға орнына бес жедел жәрдем көлігі келді. Зардап шеккен жеті адам ауыр халде ауруханаға жеткізілді. Олардың бесеуі ересек және екі бала. ⠀

Оқиға орнына дер кезінде жеткен өрт сөндіру қызметі өрттің алдын алды: соқтығысқаннан кейін жанармай ағып, Toyota өртенді.

Оқиғаның барлық мән-жайы анықталуда.