Шымкентте жалған нөмірмен жүрген депутат төрт тәулікке қамалды 

Жақында біз Түркістан облысының мәслихат депутаты Ерғали Аманбаевтың бірден бірнеше  жол қозғалысы ережесін бұзғаны туралы жаздық. Тиісті бейне әлеуметтік желілерде пайда болды. Сот оны заң бұзғаны үшін жазалады, ал партия сөгіс берді, деп хабарлайды Orda.kz.

20 тамызда тексеріс барысында полицейлер айыпталушы жүргізген Lexus автокөлігіндегі «777» нөмірі басқа көлік құралына тиісті екенін анықтады. Ер адам оның көлігіне жалған нөмірді ағасы орнатқанын, ал ол мұны байқамағанын айтып, соттан оны қатаң жазаламауды өтінді.

Осы әкімшілік құқық бұзушылық үшін сот Ерғали Аманбаевты ӘҚБтК-нің 590-бабының 4-тармағы (көрінеу жалған нөмірмен көлік құралын жүргізу) бойынша төрт тәулікке қамауға алып, бір жылға жүргізу құқығынан айырған.

Сот қаулысы әлі заңды күшіне енген жоқ.

AMANAT партиясы Түркістан облыстық филиалында Бәйдібек аудандық мәслихатының өзін-өзі ұсынған депутаты және партия мүшесі Ерғали Аманбаевқа сөгіс жарияланғанын хабарлады.