Шымкентте жалдамалы пәтерден үндістандық студенттердің денесі табылды

Шымкентте жалдамалы пәтерден Үндістаннан келген 21 және 22 жастағы екі студенттің денесі табылды, деп хабарлайды Orda.kz. 

Алдын ала мәлімет бойынша, студенттердің денесі жалға алынған пәтердің жатын бөлмесі мен дәлізінен табылған. Жалдамалы пәтерде олардан бөлек тағы 3 студент тұрған. Студенттер Оңтүстік Қазақстан медицина академиясының екінші курсында оқып жүргені айтылды. Енді өлім себебі сараптама арқылы анықталып жатыр. 

Төтенше жағдайлар департаментінің баспасөз қызметі студенттер иіс тиіп қайтыс болды деген бастапқы нұсқаны жоққа шығарды.