Шымкентте жұма намаз кезінде ұрлық жасалды

Шымкенттегі мешіттердің бірінде ер адам намаз кезінде ұялы телефон ұрлап кеткен, деп хабарлады қалалық полиция департаментінде.

Еңбекші аудандық полиция басқармасына Samsung маркалы ұялы телефонын зарядталып тұрған жерінен біреу алып кеткені туралы арыз түсті. Полицейлер куәгерлерден жауап алып, бейнебақылау камераларынан қарап шыққан.

Видеодан ер адам кешке мешітке келіп, намаз оқығандай болады. Бірақ ол жұрттың артында тұрып, бәрі сәждеге бас қойғанын күтіп, зарядталып тұрған телефонды ұрлап кеткен. Дәрет алатын бөлмеде тағы бір ұрлық жасайды.

Күдікке 30 жастағы қала тұрғыны ілінді. ҚР Қылмыстық кодексінің 188-бабы бойынша іс қозғалды.

Енді ер адам 2-7 жыл аралығында бас бостандығынан айырылуы мүмкін. Оның мүлкі тәркіленеді.