Шымкентте тыйым салынған діни ағымдағы экстремистік топ анықталды

ҰҚК басқармасы радикалды-экстремистік «Хизб-ут-Тахрир» ұйымының Шымкенттегі 22 мүшесін анықтады.

Бұл туралы Шымкент қалалық прокуратурасы хабарлады.

Іс-шаралар барысында бұл топтың Рамазан айында «ауызашар» өткіздік деген сылтаумен діни жиналыстар ұйымдастырып, қолдаушыларын көбейтуді көздегені белгілі болды. Тексеру кезінде тыйым салынған 7 діни кітап, 10-нан астам қолжазба және экстремистік мазмұндағы парақшалар, 6 ұялы телефон және 4 ноутбук тәркіленді. Осы факт бойынша ҚР ҚК-нің 256-бабының 1-бөлігі және 259-бабының 1-бөлігі бойынша қылмыстық іс қозғалды.

Прокуратура радикалды-экстремистік ұйымдарға кіруге немесе олардың насихатына шақырудың заңға қайшы екенін ескертеді және мұндай әрекет үшін қылмыстық жауапкершілікке тарту жазасы бар екенін хабарлады.