Шымкентте Түркістан облысынан келген шенеунікті бопсалады деген күдікті кәсіпкер ұсталды

Шымкент қалалық полиция басқармасына мемлекеттік мекеменің бірінің басшысы арызданған.

Ер адам жеке кәсіпкер өзінің іскерлік беделіне нұқсан келтіретін ақпарат таратамын деп қорқытып, 50 млн теңге талап етіп отырғанын айтты, деп хабарлайды Polisia.kz .

Полиция қызметкерлері күдіктіні анықтады. Ол бұған дейін мемлекеттік сатып алу конкурсына қатысқан мегаполис тұрғыны болып шықты. ІІМ хабарлауынша, ер адам конкурста жеңіліп, жәбірленушіні кінәлаған. Полицейлер оны 45 миллион теңгені беріп жатқан жерінен ұстады, оның 40 миллионы муляж. Күдікті қамауда. «Бопсалау» бабы бойынша сотқа дейінгі тергеу басталды.