Шымкентте тик-токқа видео түсірмек болған 15 жастағы бойжеткенді тоқ соқты

Шымкенте 15 жастағы қыз тоққа түсіп, денесінің 91 пайызын күйік шалды. Ол теміржол үстіндегі көпірдің темір қалқа торына шыққан, кейін телефонмен видео түсірмек болған кезде аспалы электр сымына жабысып өртене бастаған.

Бұл туралы Orda.kz КТК-ға сілтеме жасап хабарлайды.

Айта кетейік, оқиға орнында қыздың жанып кеткен киімінің шүберектері әлі торға жабысып тұр, тіпті электр сымында қыздың шашы да ілініп қалған. Қыздың туыстары ешкіммен тілдескісі келмейді. Денесінің 91 пайызы жанған қыздың өмірі үшін қазір дәрігерлер арпалысып жатыр.

Куәгерлердің айтуынша, тоққа түскен қыз өртеніп, жанып жатқан.

– Мына жерде бір отшашу сияқты атылды. Шашы сары қыз. Қимылдап жатты. Өртеніп, кәдімгідей жанып жатты. Мынандай шеттері жанып жатқан, ұзыннан жатты, - деді куәгер Мөлдір Жұмағұлова.

Дәрігерлердің айтуынша, күйіктен есінен танған және биіктен құлаған.

– Электр жарақаты, электр жалынымен 2-ші, 3-ші А, Б және 4-ші дәрежелі термиялы күйік. Күйіктен естен танған. Туысқандарының айтуы бойынша, бір жарым, 1 сағат бойы өртенген. Үлкен биіктіктен құлаған, - деді Т.Орынбаев атындағы жоғары қысымды оксигенация орталығының бас дәрігері.