Шымкентте түрмеде отырған ер адам 29 жылдан кейін анасын тапты

Колонияда жазасын өтеп жатқан ер адам анасын тауып беруді сұрап, 29 жылдан кейін анасымен кездескен.

Otyrar басылымының хабарлауынша, ер адам екі жаста болғанда оның ата-аналары ажырасып кеткен. Баланың тәрбиесімен әкесі айналысқан, отбасында анасы туралы сөз қозғауға тыйым салынған.

Айыпталушы 29 жыл бойы анасын іздеген. Қазіргі таңда ер адам үйленген, өз балалары бар. Ол қылмыс жасап, түрмеге түскен.

Сотталушы жазасын қатаң режимдегі ИЧ 167/2 колониясында 700 адаммен бірге жазасын өтеп жатыр, оның әлі 5 жылы қалған.

«Мен оны іздедім, бірақ ол туралы ақпарат таба алмадым. Жақындарым бәрін менен жасырып келді. Оны қайдан іздерімді білмедім. Түрмеге түскеннен кейін қызметкерлерден көмек сұрадым. Бірнеше айда полицейлер анамды тапты. Біз онымен телефонмен сөйлестік, енді кездесеміз. Мен бүгін оны көремін. Менің әйелім және екі балам бар, қазір анамды таптым» дейді сотталушы.

Әйел баласын тәрбиелеуге араласпағаны, қиын сәтте қасында болмағаны, түрмеден құтқармағаны үшін кешірім сұрады. Ол да 29 жыл бойы ұлын іздегенін алға тартты.

Айыпталушының анасы ұлының түрмеде екенінен қорықпаған, бастысы ол дін-аман, қалғаны бір шешімін табар дегенге сенімді.

«Өмірде бәрі қателеседі! Мен ұлымды ешқашан айыптамаймын. Мен оны іздедім, бірақ туыстарым онымен араласуға тыйым салды. Жарайды, осылай болды, мен ешкімді кінәламаймын. Ең бастысы, мен оны таптым» дейді сотталушының анасы.