Шымкентте полиция қызметкерлері журналисті соққыға жықты

cover

Шымкентте «Астана» телеарнасының журналисі Бахрамбек Талибжановты тәртіп сақшылары соққыға жықты, деп хабарлады «Әділ сөз» қоры.

Оқиға сейсенбі, 2 наурыз күні орын алған. Түнде Темірлан тас жолының бойында орналасқан авто бөлшектер қоймасында үлкен өрт шықты. Журналист ол жерге репортаж түсіруге барған, бірақ полиция түсірілімге тыйым салған.

Үш полиция қызметкері Бахрамбек Талибжановты байлап, тағы біреуі тілшінің бетіне, сосын бүйрегіне ұрды. Осы кезде олардың қасына Бахрамбектің әріптесі, 31 арнаның тілшісі Бахром Абдуллаев келді. Ол болған оқиғаны телефонға түсірді. БАҚ өкілдері Абай аудандық ішкі істер бөліміне жеткізілді.

Талибжанов шабуыл туралы мәлімдеме жазды. Шымкент қаласының полиция департаменті ресми тексеруді бастады.

Жаңалықтар

барлық жаңалықтар