Шымкентте полиция капитаны мектепте жасөспірімге қол көтерді

Шымкентте учаскелік полиция инспекторы жасөспірім қызды соққыға жықты. Оқиға оқушының мектебінде орын алған. Қызға ауруханада жабық бас сүйек-ми жарақаты диагнозы қойылды.

Бұл туралы Orda.kz хабарлады.

Болған оқиға туралы «Ана жолы» қайырымдылық қорының еріктілері жазды. 6 қазанда Қор қызметкерлерінің бірінің қызын учаскелік полиция инспекторы, капитан Әлия Атамбаева соққыға жықты. Ол №43 мектепке рейдпен келген. 10 сынып оқушысы Бұлбұлдың заттарының ішінде темекі шыққан. Осыдан кейін оны мектеп директорының кабинетіне шақырған. Онда камералар жоқ. Қыз полицейлердің әрекетіне жауап ретінде сөз қайтарған. Бұл үшін олар оны телефонмен басынан ұрған. Оқушының анасының айтуынша, директор инспекторды тоқтатпаған.

Қыз әлі ауруханада. Дәрігерлер жасөспірімге бас сүйек-ми жарақаты диагнозын қойды.

– Жалпы жағдайы орташа ауыр. Басын тексергенде терісінің көлемі бес сантиметрге дейін ісінуі байқалады. Көгерулер жоқ. Диагностика: ЦКМТ, - деп қорытындылады қалалық балалар клиникалық ауруханасының невропатолог дәрігері Қадыров.

Қыздың анасы полицияға арыз жазған. Қазіргі уақытта іс Шымкент Полиция басқармасының ішкі қауіпсіздік бөлімінде.

– Еңбекші АІІБ қызметкері, полиция капитаны А.Атамбаеваның заңсыз әрекеттеріне байланысты іс Шымкент қаласы ПД ішкі қауіпсіздік бөліміне жіберілді, - деп түсіндірді Шымкент қаласы ПД баспасөз қызметі.

Мектеп оқиғаға қатысты түсініктеме беруден бас тартты.