Шымкентте парамен ұсталған шенеунік қамалды ма?

Шымкент қаласы әкімдігінің тілдерді және мұрағаттарды дамыту жөніндегі мәдениет бөлімінің қызметкерлері аса ірі көлемде пара алмақ болды деп күдіктелуде. Бұл ақпарат сыбайлас жемқорлыққа қарсы қызметте таратылды. Шымкент қаласы әкімдігі бұл ақпараттың шындыққа жанаспайтынын айтты.

Бұл туралы Orda.kz хабарлады.

– Шымкент қаласындағы сыбайлас жемқорлыққа қарсы қызмет агенттікпен бірлесе отырып, мәдениет, тілдерді дамыту және мұрағаттар басқармасының қызметкерлерін әшкереледі. Олар бюджеттік қаражатты жымқыру фактісі бойынша қылмыстық істі тоқтатқаны үшін мемлекеттік қызметкерлерге аса ірі көлемде 80 млн теңге пара беруге әрекет жасады деп күдіктелуде ,- делінген сыбайлас жемқорлыққа қарсы қызметтің ресми Telegram-каналында.

Департаменттің мәліметінше, күдіктілер ұсталып, уақытша ұстау изоляторына қамалды.

Бірнеше сағаттан кейін Шымкент әкімдігі ақпаратты теріске шығарды.

– Шымкент қаласының мәдениет, тілдерді дамыту және мұрағаттар бөлімінің лауазымды тұлғалары (басшысы, басшының орынбасарлары), сондай-ақ басқа да мемлекеттік қызметкерлер өздерінің жұмыс орнында. Еңбек демалысында жүрген үш маманнан басқа. Құқық қорғау органдары тарапынан ресми хат департаментке түскен жоқ, - деп жауап берді Шымкент әкімдігі.