Шымкентте пәтерлердің бірінен үш адамның мәйіті табылды

Шымкенттегі Әл-Фараби ауданындағы Ерманов көшесіндегі пәтерлердің бірінен 30 қаңтар, жексенбі күні кешке үш адамның мәйіті табылды.

Otyrar.kz сайтының мәліметіне сәйкес, оқиға орнына жеткен жедел-құтқару жасағының қызметкерлері сыртқы есікті арнайы құралдардың көмегімен ашқан.

Пәтерден 1978, 1957 және 1979 жылы туған үш адамның мәйіті табылды. Өлімнің алдын ала себебі – көміртегі тотығынан улану.

– Сот-медициналық сараптама тағайындалды. Оқиға орнына сегіз қызметкер мен екі техника жұмылдырылды, - деп хабарлады Шымкент қалалық Төтенше жағдайлар департаменті.