Шымкентте пәтерлердің бірінде бойжеткеннің жансыз денесі табылды

Шымкенттегі көппәтерлі үйлердің бірінде қыз баланың мәйіті табылды.

Ресми мәлімет бойынша, 17 қаңтар күні Абай аудандық полиция басқармасына 1 мамыр көшесіндегі пәтерден мәйіт табылғаны туралы хабарлама түскен.

Белгілі болғандай, 27 жастағы әйел алған пышақ жарақаттарынан көз жұмған. Оқиға орнында жедел-тергеу тобы жұмыс істеп жатыр.

«ҚР Қылмыстық кодексінің 99-бабы («Адам өлтіру») бойынша сотқа дейінгі тергеу амалдары басталды. Сот-медициналық сараптама тағайындалды. Жедел іздестіру шаралары барысында 18 және 19 жастағы Түркістан облысының тұрғындары ұсталды» делінген жергілікті ПД хабарламасында.

Қазір екі күдікті уақытша ұстау изоляторына қамалды. Тергеу амалдары жалғасып жатыр.