Шымкентте өзен қызыл түске боялды

Тұрғындардың айтуынша, сойылған малдың қаны Қошқар ата өзеніне құйылған.

Бұл туралы Отырар хабарлайды.

Экологтар қазірдің өзінде учаскеде жұмыс істеп жатыр, олар су сынамасын алды, бірақ ол кезде судың түсі қалыпты болды.

«Біз су ағысының төменгі және жоғарғы жағынан сынамалар алдық,  сараптамалар бес күн ішінде дайын болады. «Оның өзіндік экожүйесі бар, балықтары бар, мұндай ағын су астындағы фаунаға кері әсерін тигізуі мүмкін» дейді қалалық экология басқармасының басшысы Дүйсен Күлтілеуов.

Қаланың жайлы ортасын дамыту басқармасының басшысы Әбілқайыр Оңғар өзенге зат тастауға заң бойынша тыйым салынғандықтан, департамент полицияға арызданатынын айтты.