Шымкентте ойыннан от шығып, Нұрсат өртеніп кете жаздады

Шымкент қаласында Республика күнін мерекелеу өртпен аяқталды, деп хабарлады Orda.kz.

Өрт 25 қазан күні кешке қарай жанында отшашу атылған Нұрсат шағын ауданында болды. Нәтижесінде құрғақ шөп өртенді.
Өрт алаңы - шамамен 250 шаршы метр.

«Өрт 23:44-те оқшауланып, 23:50-де толық сөндірілді. Зардап шеккендер жоқ. Өрт сөндіруге 18 қызметкер мен 4 бірлік техника жұмылдырылды», деп хабарлады Шымкент қаласының Төтенше жағдайлар департаменті.