Шымкентте қоқыс жәшігінен жаңа туған нәрестенің мәйіті табылды

Жаңа туған нәрестенің денесін коммуналдық қызметтің қызметкерлері қоқыс жәшігінен тапты.

Бұл туралы Orda.kz КТК телеарнасына сілтеме жасап хабарлады.

Ақпаратты қалалық полиция бөлімінің ішкі және сыртқы байланыс бөлімінің бастығы Мөлдір Бекеева растады.

- Полицияға Рысқұлов көшесіндегі қоқыс жәшіктерін тазалау кезінде жаңа туған нәрестенің мәйіті табылды деген хабарлама түсті. Жедел тергеу тобы оқиға орнына жеткенде «LTD Turmys» ЖШС қызметкерлері қоқысты күнделікті тазалау кезінде пакет тапқанын анықтады. Оның ішінде жаңа туған баланың мәйіті шықты, - деп хабарлады Шымкент қаласының полиция департаменті.

Тергеу кезінде сәбиді қоқысқа тастап кеткен 1996 жылғы келіншек екені анықталды. Тергеу амалдары жалғасып жатыр. Басқа ақпарат жария етілмеді.