Шымкентте коронавирустан емдеу орталығына қатысты іс қозғалды

23 тамыз Шымкент қаласындағы Еңбекші аудандық полиция басқармасы Орынбаев атындағы оттегімен тыныстандыру орталығына қатысты қылмыстық іс қозғалды.

Бұл туралы Orda.kz Азаттыққа сілтеме жасап хабарлады.

22 тамыз Instagram желісіндегі Elbasy_live парақшасында орталықта коронавирустан қайтыс болған Бақ есімді адамның хаты жарияланды. Хатта ол өзіне оттегі жетпей жатқанын, оттегіні жиі өшіретінін және өліп қалуы мүмкін екенін жазған. Ол көмек сұрап, басқа жерге ауыстыруды өтінген.

- Маған кислород жетпей жатыр. Бесконца кислород өшіріп жатыр. Мен өліп қалатын шығармын. Мені кислород бар жерге ауыстырыңдар. Басқа шыдай алар емеспін, - делінген хатта.

Белгілі болғандай, хатты сол орталықтың қызметкерлерінің бірі жіберген. Туыстары хат туралы білмеген.

Желіде хатты жазған адам көз жұмды деген ақпарат бар.

Бір отбасының үш бірдей мүшесі коронавирус жұқтырып, Орынбаев атындағы гипербариялық оксигенация орталығына түскен.

Шымкент қалалық денсаулық сақтау басқармасы хатқа қатысты ештеңе айта алмады. Орталықтың бас дәрігері Мәдина Ермаханбетова тек оттегі жететінін және қайтыс болған адам жоқ екенін айтты.

Полиция ҚР Қылмыстық кодексінің 317-бабы бойынша қылмыстық із қозғаған. Тергеу амалдары жүргізіліп жатыр.