Шымкентте қаржы пирамидасын ұйымдастырушы 700 миллион теңгеге 200 адамды алдап кеткен

17 қараша 2023 10:05 Амиржан Мухаммед

Шымкент қалалық ҚМА департаменті Chia Tai Tianging қаржы пирамидасы филиалының ұйымдастырушысына қатысты тергеуді аяқтады.

Қаржы пирамидасының құрылымдық бөлімшесінің басшысына қатысты тергеуді Шымкент қаласы бойынша ҚМА департаменті аяқтады.

Шымкент тұрғыны қаржы пирамидасының Шымкент қаласындағы филиалын 2022 жылдың қарашасынан 2023 жылдың сәуіріне дейін басқарғаны анықталды.

Оның қызметіне екі жүзден астам инвестор тартылып, оларға 700 миллион теңгенің материалдық шығыны келтірілген. Қазіргі уақытта күдіктіге қатысты сотқа дейінгі тергеу аяқталып, іс сотқа жіберілді.

Қаржы пирамидаларын құру қылмыстық жауапкершілікке әкеп соғатынын және мүлкі тәркіленіп, 10 жылға дейін бас бостандығынан айырумен жазаланатынын ескертеміз. Біз азаматтарды қырағы болуға, жинақтарын күмәнді қаржылық ұйымдарға салмауға шақырамыз.

Қазақстан Республикасы Конституциясының 77-бабының 3-тармағының 1-тармақшасына және Қазақстан Республикасы Қылмыстық-процестік кодексінің 19-бабының 1-бөлігіне сәйкес,сот үкімі заңды күшіне енгенге дейін сооталушы кінәсіз деп танылады.

шымкент қаржы пирамидасы

Жаңалықтар

барлық жаңалықтар