Шымкентте экс-судья өзіне Тәж-Махал іспеттес кесене салдырып, қызу талқыға түсті

Желіде Шымкенттің бұрынғы судьясы мен оның әйеліне арнап салынған мазардың видеосы жарияланды.

Видеоны Facebook парақшасында кәсіпкер Арман Шораев жариялады.

«Шымкентте бұрынғы судья өзіне және әйеліне Тәж-Махал кесенесін тұрғызды. Мемлекеттің сот жүйесі туралы білу керек нәрсе осы» деп жазды ол.

Желі қолданушылары бұл құрылысты сынға алды.

«Сыбайлас жемқорлықтың айқын көрсеткіші», «Сот жүйесі көмілген жер», «Осыдан кейін LRT өшеді» деп жазылған пікірлер.

Шымкент сотының баспасөз қызметі мұның қалалық сотқа еш қатысы жоқ екенін және ғимарат Түркістан облысы Қазығұрт ауданында орналасқанын мәлімдеді.

Белгілі болғандай видеодағы мавзолей Бекет Тұрғараевтың бастамасымен бой көтерген «Бабалар рухына тағзым» деп аталатын кешен құрамындағы, Пір Бекет Мырзағұлұлының 270 жылдығына орай салынған «Бекет Ата киелілер кесенесі» екен. Бұл туралы Halyq Uni тілшісіне экс-судья Бекет Тұрғараев айтып берді.