Шымкентте экс-депутат Қуаныш Дәулетәлиевке іздеу жарияланды

Шымкенттің қалалық мәслихатының бұрынғы депутатына іздеу жарияланды, деп хабарлайды Orda.kz. 

Соттың бастамасымен Шымкент қалалық мәслихатының бұрынғы депутаты, кәсіпкер Қуаныш Дәулетәлиевке іздеу жарияланды. Бұл туралы ақпарат Құқықтық статистика және арнайы есепке алу органдарының ресми порталында пайда болды.

Порталдағы мәліметке зер салсақ, 1976 жылғы Қуаныш Әмірсейітұлы Дәулетәлиевті Тұран ауданының полиция басқармасы жүргізіп жатыр екен. Экс-депутатқа іздеу кеше жарияланған. 

Қуаныш Дәулетәлиев бұған дейін Шымкент қалалық мәслихатының депутаты және «Ауыл» партиясының мүшесі болған.

Айта кетейік, денемде 60-тан астам жарықшақ қалды деген Берденов Қытайда жүргені белгілі болды.