Шымкентте ірі зауыт тоқтап, 350 адам жұмыссыз қалды

Алдымен жалақыны кешіктіріп, кейін компания жұмысын толығымен тоқтатты. Сәуірдің 24-і күні таңертең зауыт жұмысшыларына наурыз айының жалақысы берілді, бірақ олардың айтуынша, сәуір айының қалдығы мен демалыс ақысы әлі төленбеген, деп хабарлайды Orda.kz порталы.

Сонымен қатар, жұмысшылар бірнеше айдан бері зейнетақы жарналары мен медициналық сақтандыру төлемдерінің төлнбегеніне де шағымданды. 59 жастағы Базарайым Қалыбекова кәсіпорында тротуар машинисі болып жұмыс істеген. Әйел зауыт ашылғаннан бері 7 жылдай істеп келе жатыр. Айтуынша, ол қазір қайда барарын білмейді, ал зейнеткерлікке жақындаған жаста жұмыс табу – оңай емес.

«Бір аптадан кейін мен 60-қа келемін. Мені кім жұмысқа алады? Бізде зейнеткерлік жасқа таяп қалғандар көп... Жастарды әр жерде жұмысқа алады. Біз қайда барамыз? Олар компанияны жапса да жұмыстан шығу жәрдемақысын төлесін. Бірақ бұл олай емес. Оны жауып, ал бізді құдды көшеге лақтырып жібергендей», - деп шағымданды Қалыбекова.

Сондай-ақ жастарға өз мамандығы бойынша жұмысқа орналасу да оңай болмайды: нарықта бос жұмыс орындары жеткіліксіз, Шымкентте және Түркістан облысында зауыттар аз.