Шымкентте хиджаб киген әйел қоғамдық әжетхананы қиратты

Шымкентте бір әйел жұрт алдында қоғамдық әжетхананы қиратты. Ол Шымкентте Арбатқа жаңа қойылған қоғамдық әжетхана болатын, деп хабарлайды Orda.kz.

Әуелі ол ішке кіріп, қоғамдық әжетханада қаз-қатар қойылған гүл құмыраларын алып шығып, жан-жаққа лақтырған. 

Полиция дер кезінде жетіп, әйелге аса ауыр емес бұзақылық бойынша шара қолданды.

«Бұл оқиға бойынша азаматшаға әкімшілік жауапкершілік жүктелді. Сонымен қатар, тәртіп жайлы әңгімелесіп, заң талаптары түсіндірілді әрі мұндай әрекеттің жол берілмейтіні ескертілді»,  деп мәлімдеді қалалық полиция департаменті.

Еске сала кетсек, бұған дейін Алматыдағы Dostyq Plaza сауда орталығында никаб киіп кіруге тыйым салынатын белгі жапсырылған еді.