Шымкентте ер адам тергеу изоляторында өз-өзіне қол жұмсады

Шымкенттегі тергеу изоляторында ер адам өз-өзіне қол жұмсады. Ол қан жоғалтудан қайтыс болды.

Қылмыстық атқару жүйесі департаментінің мәліметінше, 1962 жылы туған ер адам бейнебақылау камераларын көрпемен жауып, өзіне дене жарақаттарын салған.

Отырар басылымының хабарлауынша, мекеме қызметкерлері алғашқы медициналық көмек көрсету шараларын қолданып, жедел жәрдем шақырған.

Ведомство оқиғаның 20 сәуірде болғанын түсіндірді. Тергеу материалдарына сәйкес, өз-өзіне қол жұмсау түнде жасалған.

«Жедел жәрдем ауруханасының қызметкерлері оның қан жоғалтудан қайтыс болғанын хабарлады. Аталған факті бойынша департаментте қызметтік тексеру жүргізіліп, нәтижесінде қызметкерлер жауапкершілікке тартылды» деп хабарлады ІІД.