Шымкентте «Ең адал» деп танылған полицей ұсталды

Шымкентте белгілі полицей Азамат Айымбетов уақытша қамау изоляторына қамалды. Оның үстінен бопсалау және пара алды деген шағым түскен, деп хабарлайды Orda.kz порталы ҚазТАГ-қа сілтеме жасай отырып.

«Шымкент полиция департаментінің меншікті қауіпсіздік басқармасы өңірдің патрульдік полиция ротасының командиріне қатысты делдалдар арқылы бопсалау және пара алу фактісі туралы қала тұрғындарының арыздары бойынша қылмыстық іс қозғалды» делінген қалалық ПД баспасөз қызметінің хабарламасында.

Айта кетейік, бұған дейін Айымбетов өзінің бастығы полковник Мұхтар Бұхарбаевты лауазымдық өкілеттіктерін шектен асырды деп жария түрде айыптаған болатын. Полиция қызметкері бастығы оған қымбат заттар сатып алуға мәжбүрлегенін хабарлаған еді.