Шымкентте дәрігерлер баланың миынан 15-ке жуық құртты алып тастады

10 жасар бала үнемі бас ауруына шағымданып келді. Сараптама нәтижесінде дәрігерлер церебральды эхинококкоз деген диагноз қойды - баланың миына паразиттер әсер еткен, деп хабарлайды Otyrar.kz.

Екі сағатқа созылған ота сәтті өтті. 10 жастағы науқас тағы екі күн жансақтау бөлімінде болды, содан кейін палатаға ауыстырылды. Бір аптадан кейін бала үйіне шығарылды. Алайда ол қазір дәрігерлердің бақылауында.

«Сәуір айында қалалық балалар клиникалық ауруханасына 10 жасар бала түсті. Жоспарлы түрде балаға ота жасалып, эхинококтың құрт тәрізді өскін жойылды. Диагноз МРТ арқылы қойылды. Баланың басы ауырған», - дейді қалалық клиникалық балалар ауруханасының нейрохирургі Самат Көкшікбаев.

Бас миының эхинококкозы – Echinococcus multilocularis және Echinococcus granulosus гельминттерінің дернәсілдік сатыларынан туындайтын орталық жүйке жүйесінің паразиттік ауруы. Паразиттер денеге лас қолдар немесе жануарлар арқылы енеді. Уақтылы емделмесе, эхинококкоз өлімге әкелуі мүмкін.