Шымкентте 12 жылдан бері жеке баспана салуға жер телімдері берілмейді

Биылғы жылдан бастап Шымкентте жеке баспана салуға жер телімдері берілмейді, деп мәлімдеді қалалық сәулет және жер қатынастары басқармасының өкілі.

ҚР Жер туралы заңына сәйкес әр азамат тегін 10 сотық жер алуға құқылы. Мамандардың айтуынша, қажетті инженерлік желілер тартылмаған бос аумақтарды алу үшін 120 мыңнан астам адам кезекте тұр. Сондықтан жергілікті әкімдікте шымкенттіктердің өтінімдері қабылданып жатыр. Алайда 12 жылдан бері жер кезегі жылжыған емес.

«Егер қазір жер телімдерін үлестірсек, тұрғындар тарапынан су, электр жарығы қайда деген сұрақтар легі толастамайды. Ондай жағдай туындамас үшін алдымен инфрақұрылым жеткізіп алу қажет. Сол себепті де Шымкентте 2008 жылдан бері жер кезегі жылжымай тұр», - деп хабарлады қалалық сәулет және жер қатынастары басқармасы басшысының орынбасары Мұрат Әбдірахманов.