Шымкентте белгісіз біреулер мұсылмандар зиратын қорлады

Шымкент тұрғындары мұсылмандар зиратындағы туыстарының қабірлерінің қорлануына шағымданды. Белгісіз адамдар бейіттердегі суреттерді өшіріп, қоршауларды бұзды, деп хабарлады Otyrar.kz.

Нұрия Ғабдулина «Отырар» телеарнасының редакциясына хабарласты. Оның зиратта жерленген бес туысы бар. Ауруының салдарынан ол екі ай бойы зиратқа бармаған. Зиратқа келген ол қорқынышты жайтқа тап болды. Ағасының қабіріндегі ескерткіш бұзылып, бейнесі өшіріліп, анасының қабіріндегі қоршау алынып тасталған. Осындай шағымдарды тағы бірнеше адам жазған.

Олар жергілікті қамқоршылардан күдіктенеді, олардың айтуынша, зиратта тіпті ескерткіштердегі суреттерге тыйым салынған деген белгі бар. Зиратта 100-ге жуық жерлеу орындары бар, бірақ арна тілшілері күзетшілерді таба алмады. Тілшілер кескіндері өшірілген 11 құлпытас көргендерін айтты.

Өткен жылы да осындай оқиғалар болған. Кінәлі табылып, ол құлпытастарды қалпына келтіруге мәжбүр болды.

«Шариғат бойынша ескерткіш онатқанда сурет қою қажет емес, бірақ біз тыйым салмаймыз, азаматтардың таңдау еркіндігін сақтауға тырысамыз. Тірілерді де, марқұмдарды да құрметтеу - шариғат ережесі. Жерлеу рәсімдерін шариғат заңдары бойынша қалай өткізу керек және осы орайда адам құқықтарын сақтау туралы семинар ұйымдастыру жоспарланып отыр», - деді Шымкенттегі Абдурахман мешітінің бас имамы Нәзірхан Ташходжаев.

Қабірлері қорланған марқұмның туыстары полицияға арыз жазды. Қылмыстық іс қозғалды. Қылмыскерлер үш жылға дейін бас бостандығынан айрылуы мүмкін.