Шымкентте бейтаныс әйел адамды ұрған ер адам бір жылға сотталды

Шымкентте жай тұрған әйелді бейтаныс ер адам келіп соққыға жыққан, деп хабарлайды Orda.kz порталы.
Толығырақ жәбірленушінің өзі жағдайды баяндады. Оның сөзінше, досының туған күніне сыйлық алып, гүл сататын дүкеннің сыртында такси күтіп тұрған. Кенеттен бейтаныс ер адам келіп оған шабуыл жасаған.
«Артыма қарасам, темір жақтауға сүйеніп құлап бара жатқан ер адамды көрдім. Неге екені белгісіз, мен қатып тұрып қалдым, ештеңе айтпадым, байқаусызда маған тиіп кетті деп ойладым. Бірақ ол тұрып, басымнан қатты ұрды. Мен не болып жатқанын ұқпадым. Менің тіпті көзілдірігім ұшып кетті де, ол маған сондай қорқынышты көздерімен қарады», - деп жазды әйел.
Бәрінен де сорақы жағдай ол әйелге ешкім көмектеспеген. Маңайындағы адамдардан көмек сұрағанымен, бірде-бір адам қылмысқа қарсы тұрмаған.
«Мен өзіме келіп: «Полиция, көмектес» деп айқайлай бастадым. Мен дүкенге қарай жүгіріп, полиция шақырдым. Жанымнан адамдар, әйелдер мен ер адамдар өтті. Олардың көздеріне көрінбейтін сияқтымын. Қалтырағаным сонша, мен жылап жібердім, есеңгіреп қалдым. Айналамдағылар: «Оған не айттың?» деген сұрақтар қоя берді. Учаскелік полиция қызметкерлері де сол сұрақты қойды, неге екені белгісіз, тергеуші мен криминологтар да солай сұрай берді. Маған шабуыл жасаған адам да полицияның көзінше мені тауып алып, өлтіремін деп айғайлады», - деп есіне алды жәбірленуші әйел.
Әйелдің айтуынша ол басынан соққы алып, салдарынан миы шайқалған және терең психологиялық жарақат алған.
«Сотталушы О. 13 ақпан 2024 жылы сағат 18:00 шамасында Шымкент қаласы Нұрсәт тұрғын алабының №1 ғимаратының жанында орналасқан «Нұрсәт-2» дүкенінің алдында мас күйінде жәбірленушіні тепкілеген. Сотталушы О. әйелдің арқасынан себепсіз ұрып, одан кейін «бет тұсынан жұдырықпен ұрып, денсаулығына жеңіл зиян келтірген. Сотталушының кінәсі жәбірленушінің айғақтарымен, заттай дәлелдемелерімен, сот-медициналық сараптамасының қорытындысымен, және Іс бойынша жиналған басқа да деректермен дәлелденді» деп хабарлады Шымкент соты.
Сот шешімі бойынша ер адам «бұзақы» деп танылып, 1 жылға бас бостандығынан айырылды.
«Жазаны тағайындау кезінде сот мыналарды: онша ауыр емес қылмыстық құқық бұзушылық жасау, кінәсін мойындау және шын жүректен өкіну түріндегі жауаптылықты жеңілдететін мән-жайлардың болуы, сондай-ақ сотталушының 3-ші топтағы мүгедектігінің болуын ескерді» деп хабарлады Шымкент сотынан.
Алайда сот үкімі әлі де заңды күшіне енген жоқ.
Жаңалықтар
- Президенттен соң – тексеру: Министрлік Алакөлдегі ахуалды бақылауға алды
- Импорттық жұмыртқаға тосқауыл: Қазақстан бақылауды күшейтті
- АҚШ-та әйгілі Гранд-Каньон өртеніп жатыр: 500-ге жуық турист эвакуацияланды
- Қазақстанда спортшыларға діни үгіт-насихат жүргізуге тыйым салынды
- Алматыда 28 тұрғын үй кешені «қара тізімге» енді
- Шенеуніктің шымбайына батқан сын: Ұлытау әкімдігі Orda.kz мақалсына жауап берді
- Шетелден қайтарылған 5,1 млрд теңге Қарағанды облысындағы су құбырын жаңартуға бағытталды
- Құмар ойынға әуестігі үшін 16 мемлекеттік қызметкер жұмысынан айырылды
- Алаяқтар арбауы: Қазақстанның еңбек сіңірген сәулетшісі далада қалды
- «Тарихи мұра»: Қазақстандағы көне таңбалар бар жерге Қытай компаниясы зауыт салады
- Қазақстан Ауғанстандағы теміржол құрылысына жарты миллиард доллар инвестиция салады
- Тілін кесті: Ақтөбеде саябақта тоқ соққан баланың анасы кінәлілерді жазалауды талап етті
- Азаматтыққа қабылдау үшін қазақ тілі мен тарихын білу талаптары өзгеруі мүмкін
- Наразылық пен балалардың үндеуіне қарамастан, Алматыдағы балалар үйі Қонаевқа көшірілмек
- Қызылордада полицияны басынған жасөспірімдер мен олардың ата-аналары жазаланды
- Алматы Сеулге айналды: Үнді фильмінің түсірілімі қаланың келбетін қалай өзгертті?
- Ректор болу үшін 200 мың доллар төлеген Айман Мұсақожаева алаяқтарға жем болды
- Ұлттық банк базалық мөлшерлемені өзгеріссіз қалдырды
- «Ем-домды карцерде жасады»: Денсаулығы нашарлаған Думан Мұхаммедкәрімнің түрме басшылығына жазғаны
- Тасмағамбетовтің күйеу баласы украиналық «БТА Банкті» сатылымға шығарды