Шымкентте «бас дәрігерді қорқытып, ақша алған» журналист 5 жылға сотталды
Шымкенттегі Абай аудандық соты №6 қалалық аурухананың бас дәрігері Айгүл Қылышбаеваны «қорқытып, ақша алған» деген айыппен республикалық «Қоғамдық бақылау» газетінің бас редакторы Ғани Өмірәліні 5 жылға бас бостандығынан айырды.
Ол жазаны қауіпсіздігі барынша жоғары түзеу мекемесінде өтейді.
Үкімді судья Асқар Досәлиев оқыды. Ол 39 жастағы Өмірәліні Қылмыстық Кодекстің «Қорқытып алу» бабымен (194-бап) кінәлі деп танып, 5 жылға бас бостандығынан айыру жазасын кесті. Журналист сот залынан қамауға алынды. Ол бұған дейін үйқамақта болған.
«Сот кабинеті жүйесінде ілінген үкімде Өмірәлі серігі Хажыхат Абулдаевпен «аурухананың ақауын түсіріп, ақша талап ету үшін» ауруханаға барғанын, ол жерден ілулі тұрған тудың жыртылғанын көріп, фото-видеоға түсіріп, полиция шақырғаны жазылған. Мұны әлеуметтік желіге шығармау үшін аурухана медбикесі арқылы бас дәрігерден әуелі 500 мың теңге, кейіннен 300 мың теңге талап еткен. Осы 300 мың теңгені алу кезінде журналисті полиция ұстаған.
Ғани Өмірәлі тағылған айыпты толық мойындамайды. Ол бұған дейін Orda.kz тілшісіне «ақшаны алғаным туралы дәлел жоқ» деген.
Өмірәлі сот залынан қамауға алынған. Сот оның жазасын қауіпсіздігі барынша жоғары түзеу мекемесінде өтеуге үкім етті.
Журналисті ұстау кезінде тәркіленген 300 мың теңге істе жәбірленуші деп танылған бас дәрігерге қайтарылды.
Жаңалықтар
- ДСМ фармацевтикалық компаниялармен 2025 жылға арналған дәрі-дәрмек сатып алу талаптарын келісті
- Шымкенттегі 128 миллион теңгеге сатылған Мұз сарайы мемлекет меншігіне қайтарылды
- «Қазпошта» жергілікті мекемелеріндегі ұрлықты жоюға уәде берді
- Еліміздегі қызмет көрсету бағасы тым аспандап барады
- «Аяғын фонтан тартып кеткен»: Атырауда 3 жасар бала көз жұмды
- Жемқорлыққа белшеден батқан мемлекеттік органдар аталды
- «Олимпиада-2024»: Қазақстан ұтқан алғашқы медаль
- «Олимпиада-2024»: Елдос Сметов алғашқы жеңіс әкелді
- Қостанай облысында жер сілкінісі болды
- Еуропалық Одақ жеті елге қатысты тергеу бастады
- Алматыда лифт ішінде балаларды ұрған ер адамға сот үкімі шықты
- Екі облыстағы ормандар бірлескен қазақ-қытай компаниясына берілді
- Қазақстандық спортшылардың 2024 жылғы 27 шілдедегі Олимпиада ойындарында өнер көрсету кестесі
- Париж Олимпиадасында ел туын желбіреткен Қазақстан құрамасы
- Парижде ХХХІІІ Жазғы Олимпиада ойындарының ашылу салтанаты өтті
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды