Шымкентте автобус жүргізушілері митингке шықты
3 ақпан күні таңертең Шымкентте «Shymkent Bus» автобус паркінің жүзден астам жүргізушілері мен тексерушілері жалақыны көбейтуді және еңбек жағдайларын жақсартуды талап етіп, жұмысқа шығудан бас тартты.
Компания басшылығы жүргізушілердің жалақысы қазіргі уақытта 155 мың теңгені екенін айтты.
«Мен айына 150 мың теңге табамын. Менің қолыма тиетіні 120 мың теңге. Тексерушілердің жалақысы 70 мың теңге, бірақ ол да тиісті деңгейде төленбейді. Біз төлем карталарын енгізуге қарсы емеспіз, тек олардың жүргізушілерге нақты жалақы тағайындауына және оның көлемін ұлғайтуға мүмкіндік беріңіз. Күндік жоспарды алып тастасын, жағдайды жақсартсын», - деді жүргізушілердің бірі. Оның сөзін Азаттық жариялады.
Қазіргі уақытта компания басшылығы мен жүргізушілер арасында екіжақты келіссөздер жүргізілуде.
«Еске салсақ, Шымкентте қоғамдық көліктердің жұмысын жақсарту, ашықтықты қамтамасыз ету мақсатында Төлем жүйесі енгізілген болатын. Бірақ жүйе енгізілгеннен бері автобустарда орнатылған валидаторлардың әртүрлі себептермен істен шығуы тұрғындардың наразылығын тудырғаны жасырын емес. Осыған байланысты біз 1 ақпаннан бастап төлем жүйесі істен шыққан жағдайда, қоғамдық көліктерде ақысыз қызмет көрсетілетіндігін жарияладық», - деп хабарлады қала әкімдігінің баспасөз қызметі.
Наразылық білдірушілер жұмыс беруші автобустарды жуу және жұмысшыларды тамақпен қамтамасыз ету бойынша өз міндеттемелерін орындамай отырғанын, жоспар «негізсіз» өсіп жатқанын айтты.
«Сіз кешке қайтып келесіз, жоспар өскен болып шығады: әрқайсысына екі мың, бес мың теңгеден қосады. Тексерушілерге жалақы берілмейді, жүргізушілерге жағдай жасалмайды. Егер тексерушілер болмаса, жолаушылар валидатор арқылы төлем карталарын өткізбейді. Жүректегі зарымызға кім құлақ асады? 70 мың теңге жалақы кімге жетеді? Біреудің несиесі бар, біреу жалдау ақысын төлеуі керек. Директор «осында түнеуді» ұсынады. Сонда біздің балаларымызды кім асырайды?» - деп шағымданады кондукторлардың бірі.
Шерушілерге Шымкент қаласының әкімі Мұрат Әйтенов келді. Ол қызметкерлерді жұмысқа шығуға шақырып, мәселелерді «кешке дейін» шешетініне уәде берді. Алайда жүргізушілер мен кондукторлар талаптары орындалмайынша жолға шықпайтындықтарын алға тартты.
Жаңалықтар
- Жыл басынан бері мемлекет пайдаланылмай жатқан 645 мың гектар жер қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?