Шымкентте аттракционға мінген ер адам қайтыс болды

Шымкенттегі «Қиял әлемі» технопаркінде қайғылы оқиға орын алды. Аттракционға келген ер адам қайтыс болды.

Бұл туралы Orda.kz хабарлайды.

Қайғылы оқиға 22 қыркүйек күні кешкі тоғыздарда болған. 45-50 жас аралығындағы ер адам аттракционға барғанда өзін жайсыз сезіне бастаған.

Оқиға орнына жедел жәрдем келді, бірақ дәрігерлер ер адамды құтқара алмаған. Хабарламада айтылғандай, өлімге себеп болған – инфаркт.

Куәгерлердің айтуынша, технопарк қызметкерлері алғашқы медициналық көмек көрсете алмаған, себебі ол жерде медициналық қызметкерлер жоқ. Саябақ жабық, құқық қорғау органдары қайғылы жағдайдың мән - жайын анықтауда.

Бұл технологиялық паркте 2021 жылы болған бірінші қайғылы оқиға емес деп хабарланды. Мамыр айында 17 жастағы жасөспірім қаза тапқан.