Шымкентте асырап алған балаларын нәжіспен тамақтандырған емшінің бұған дейін адам өлтіргені расталды

Шымкентте жергілікті емшінің 6 баланы қамқорлыққа алып, оларға ит пен мысықтың етін бергені, сонымен қатар емшінің бұған дейін адам өлтіргені расталды.

Бұл туралы қалалық білім басқармасы қорғаншылық және қамқоршылық бөлімінің маманы Жадыра Тоғысбекова хабарлады.

Прокурорлар мамырдың 27-сінде прокуратураға сұраныс жіберді.

Бас прокуратураның құқықтық статистика комитеті «Ақпараттық қызмет» жүйесі жасаған құжатта емшінің 1993 жылы «абайсызда адам өлтіру» бабымен істі болғаны және психикалық ауытқуына байланысты қылмыстық іс тоқтатылып, оның мәжбүрлі емдеуге жіберілгені көрсетілген. 

Ол қазір арнайы ауруханада жатыр. Балалар елдің бірнеше қаласынан асырап алынғаны белгілі болды. Асырап алынған балалардың арасында үш айлық егіздер бар.