Шымкентте анасын өлтіріп, өртеп жіберген ер адамның сот басталды

Шымкентте анасын айуандықпен өлтіріп, кейін мүрдесін өртеп жіберген ер адамға қатысты сот басталды, деп хабарлайды Orda.kz. 

Қылмыстық істі Шымкент қалалық қылмыстық істер жөніндегі мамандандырылған ауданаралық соты қарап жатыр. Сотталушы денсаулығына байланысты іске қатыспады. Прокурор оған «шизофрения» диагнозы қойылғанын айтты. 

Еске сала кетейік, 31 жастағы Дархан Жолдыбаев жеке тұрғын үйлердің бірінде өз анасын өлтірді. Ол 54 жастағы мүгедек анасын бірнеше рет пышақтап, шынжырмен қылқындырып өлтірген. Кейін қылмысын жасыру үшін ауласындағы шұңқырға мәйітін өртеген.

Оқиға 13 қаңтарға қараған түні жеке тұрғын үйлердің бірінде болды. Полиция «Адам өлтіру» бабымен қылмыстық іс қозғап, күдікті ретінде марқұмның баласын қамауға алды.

Айта кетейік, бұған дейін Шымкентте өз жиенін өлтірген әйел 20 жылға сотталды.