Шымкентте алғашқы SOS дабыл түймесі пайда болды

Алғаш пайда болған дабыл қоңырауы «Mega Planet» сауда ойын-сауық орталығының алдына орнатылды.

Шымкентте дабыл сигналы мен полицияға жедел қоңырау жіберу үшін алғашқы SOS түймесі пайда болды, деп хабарлайды Polisia.kz .

Бұл түйме арқылы қала тұрғындары мен қонақтары қалалық ішкі істер бөлімінің жедел басқару орталығына әп-сәтте хабарласып, құқықбұзушылық туралы хабарлай алады. Сонымен қатар полициядан көмек сұрай алады. Құрылғыда орнатылған камера мен динамиктер бар. Хабарламаны алған басқарма инспекторы дереу оқиға орнына полиция бригадасын жібереді.

Қаладағы алғашқы SOS түймесі тұрғындардың ең көп жиналатын жері – Mega Planet сауда ойын-сауық орталығының алдында орнатылды.

Полицейлер Шымкентте осындай тағы 25 құрылғы орнатуды жоспарлап отырғанын хабарлады.