Шымкентте әкімдік қызметкерін бопсалаған блогер ұсталды

Шымкентте әкімдік қызметкерін бопсалап, 10 млн теңге сұраған күдікті блогер-журналист қамауға алынды, деп хабарлайды Orda.kz. 

Полицияның мәліметінше, ол мемлекеттік органдардың жұмысына нұқсан келтіретін материалдарды жарияламау үшін ақша талап еткен.

Әкімдік қызметкерін бопсалаған журналист әрі блогер Арай Есенбек болып шықты. Қауіпсіздік қызметкерлерінің айтуынша, Арай Есенбек сұраған ақшасын алмаса, желіде айыптаушы материалдар жариялаймын деп қорқытқан. 

Полиция журналистің үйі мен кеңсесін тінтіп, қылмысына дәлел болатын электронды құжаттарды тәркіледі. Қылмыстық іс қозғалды. 

Orda.kz редакциясы Арай Есенбектің AMANAT партиясының бұрынғы мүшесі және Kungei.kz ақпараттық порталының иесі екенін анықтады. Бірақ көпшілік оны Шымкент әкімдігінің қызметін және спортпен байланысты жаңалықтарды жариялайтын журналист ретінде біледі.

Журналист 5 қараша, сәрсенбі күні әкімдікте өткен брифингке қатысып, шенеуніктерге сұрақтар қойды. Ал 7 қараша күні таңертең оның ұсталғаны туралы ақпарат таралы. Ол уақытша ұстау изоляторына қамауға алынды. 

Айта кетейік, cабақ кезінде телефон қолданған оқушылардың ата-анасы айыппұл арқалайды.