Шымкентте акция ұйымдастырып, адам нөпіріне тап болған дүкен иесі жазаланады

Спорттық киімдерді сату акциясын ұйымдастырған кәсіпкер пайда табудың орнына  - жазалануы мүмкін.

Шымкентте жарияланған жеңілдіктерге байланысты нөпір  болған дүкеннің иесі жазаланады, деп хабарлайды ҚР ІІМ ТЖК баспасөз қызметі.

«5 қараша күні Тәуке хан көшесінің бойында орналасқан сауда үйлерінің бірінде дүкен иесі спорттық киімдерді арзан бағамен сату акциясын ұйымдастырды. Осыған байланысты жергілікті тұрғындар жаппай жиналып, адам нөпірі орын алды. Соның салдарынан, мекеме ашылысымен болған дүмпу халықты шулатты. Дереу түрде бекініс учаскесінің учаскелік инспекторлары шақырылып, қоғамдық тәртіпті қамтамасыз етті. Зардап шеккендер жоқ»  делінген хабарламада.

«Еңбекші» аудандық унитарлық кәсіпорнының полицейлері дүкеннің иесі жергілікті тұрғын екенін анықтады. Ол ҚР ӘҚБтК-нің 488-1 бабы бойынша әкімшілік жауапкершілікке тартылады.