Шымкентте әйел жолда босанып қалды

Шымкентте әйел жолда босанып қалды. Полицейлер оны және жаңа туған нәрестені перзентханаға жеткізуге көмектесті. 

Polisia.kz-тің хабарлауынша, қала көшелерінде қауіпсіздікті қамтамасыз етіп жүрген полицейлерге көлік жүргізушісі жүгінген. Ер адам әйелінің жолда толғағы қысып, ауруханаға жетпестен, көлікте босанғанын айтқан.

"Офицерлер жедел әрекет етіп, дабыл қосып, көлікті алып жүру арқылы медициналық мекемеге кептеліссіз және барынша жылдам жеткізді. Осылайша, бірнеше минут ішінде ана мен бала дәрігерлерге тапсырылды" делінген хабарламада.

Жаңа туған сәби отбасының екінші баласы екен. Қазір бала мен анасының  жағдайы қалыпты.