Шымкентте 7 баланың анасын терезеден лақтырып жіберген кім?

Шымкенте 42 жастағы 7 баланың анасы көпқабатты үйдің ауласынан табылды. Туыстары оған күйеуі зәбір көрсетіп, өлтірді деп күдіктенеді, деп хабарлайды Orda.kz.

Stan.kz мәліметінше, келіншек өлерінің алдында туыстарына осыдан төрт жыл бұрын ажырасқан  күйеуімен қайта қосылғанын хабарлаған екен. Арада бір күн өткенде туыстары қаралы хабар естіген. Оқиға 5 ақпанда болған, сол күні балалары анасын әкесі гантельмен ұрып, аяусыз соққыға жыққанын айтқан. Ал күдікті деп танылған бұрынғы күйеуі тергеу барысында әйелі суицид жасады деп мәлімдепті. 

Қазіргі таңда іс бойынша, тергеу жүргізіліп, күдікті қамауға алынды, ал марқұмның балаларының екеуінен басқасы әлі кәмелеттік жасқа толмаған соң балалар үйіне жіберілді.

 Туыстарының айтуынша, бұрындары бірге тұрған кезде де ер адам әйелін жиі соққыға жығып, тұрмыстық зорлық-зомбылық көрсеткен екен. Ал келіншек күйеуінен ажырасқан соң саудамен күнелтіп, балаларын жалғыз өзі асырап келген.