Шымкент жатақханасындағы студенттің қазасы: полицейлер күдіктілерді ұстады

Шымкент полицейлері колледж жатақханасында қаза тапқан студенттің өліміне қатысы болуы мүмкін күдіктілерді қолға түсірді, деп хабарлайды Polisia.kz.

Екі күдікті ұсталып, уақытша ұстау изоляторына қамалды.

Полиция қызметкерлері ҚР Қылмыстық кодексінің 106-бабының 3-бөлігі «Абайсызда жәбірленушінің өліміне әкеп соққан немесе қылмыстық топ жасаған іс-әрекеттер» бойынша тергеу амалдарын жүргізіп жатыр.

Бұған дейін Orda.kz марқұм Нұрхат Дүйсеннің отбасында бес баланың ішіндегі жалғыз ұл болғанын жазған болатын. Ол 9-сыныптан кейін Манап Өтебаев атындағы Шымкент колледжіне оқуға түскен. Ал бір күн бұрын оның туыстарына жігіттің жансыз денесі жатақхана бөлмесінен табылғанын хабарлаған.

Оқиға куәгерлерінің айтуынша,  Нұрхат екі оқушының кеудесі мен иығынан ұрған соққысынан қайтыс болды. Анасы қайғылы оқиғаға колледждегі әлімжеттік себеп болғанына сенімді. Анасының айтуынша, жігіт алғашқы күннен бастап  ақша жіберуді өтінген.