Шымкент әуежайына бомба қойылғаны туралы хабарлама түсті

Түнде Шымкент әуежайының электронды поштасына әуежай ғимаратын миналап жатқаны туралы хабарлама келіп түсті.

«15 желтоқсан күні сағат 02:00-де Шымкент әуежайының электронды поштасына әуежай ғимараты миналанғаны туралы хабарлама келіп түсті» делінген ҚР индустрия және инфрақұрылымдық даму министрлігінің хабарламасында.

Полиция мен қалалық Ұлттық қауіпсіздік комитеті әуежай қызметімен бірлесе отырып, арнайы іс-шаралар өткізуде.

Ведомствоның мәліметінше, әуежай терминалындағы адамдар эвакуацияланған.

«Аталған дерек ҚР Қылмыстық кодексінің 273-бабы бойынша Сотқа дейінгі тергеп-тексерудің бірыңғай тізіліміне тіркелді» деді Көліктегі ДП баспасөз қызметі.