«Шымкент колониясындағы өлім»: Ауру ма, әлде азаптау ма?

Шымкенттегі № 54 колониясының басшылығы 37 жастағы сотталушының асқазан ауруынан қайтыс болғанын мәлімдеді, деп хабарлайды Orda.kz AlmatyTV телеарнасына сілтеме жасап.

Олардың айтуынша, ол бірнеше рет медициналық көмекке жүгінген. Соңғы рет 3 қыркүйекте медбөлімге түскен, ал бірнеше күннен кейін жан тәсілім етті.

Алайда марқұмның туыстары ресми нұсқаға күмән келтіріп, оны колония қызметкерлері өлімші етіп сабаған деп отыр.

«Қазір тергеу жүргізілуде, қылмыстық іс қозғалды. Тиісті органдар тексеру жұмыстарын бастап кетті. Туыстары біздің түсініктемемізге сенбейді, бәлкім, оны ұрып-соқты деп ойлайтын шығар. Тексеру нәтижелері туыстарына беріледі», – деді № 54 колониясының басшысы Серікбай Дүйсенов.

Қазір колония қызметкерлеріне, оның ішінде медициналық бөлімі қызметкерлеріне қатысты қызметтік тексеру жүріп жатыр.