Шымкент әкімдігі ауған босқындарын қабылдау туралы айтты

Шымкент қаласының әкімдігі ауған босқындарын қабылдауға дайындық жүргізіп жатыр деген ақпарат «шындыққа сәйкес келмейді» деді.

Бұл туралы Orda.kz хабарлады.

– Шымкент әкімдігінің баспасөз қызметі Ауғанстаннан келген босқындардың келуіне дайындалып жатыр деген ақпарат шындыққа сәйкес келмейтінін ресми түрде хабарлайды. Тогус елді мекеніндегі №120 мектепте жаңа оқу жылына дайындық бойынша жоспарлы жұмыстар жүргізілуде, - деді әкімдіктің баспасөз қызметі.

16 тамызда жергілікті Vera.kz «Шымкент Ауғанстан босқындар қабылдауға дайындалып жатыр» деген ақпарат таратқан. Ақпарат бойынша, оларды екі ғимаратқа - бұрынғы студенттік жатақхана мен Тогус кентіндегі №120 мектептің ғимаратына орналастыру жоспарланған.

Бұған дейін Қазақстанның Сыртқы істер министрлігі Ауғанстаннан босқындардың келуі және оларды Шымкент пен Түркістан облысына орналастыру туралы ақпарат шындыққа сәйкес келмейтінін хабарлаған болатын. Сондай-ақ, министрлік Ауғанстан президенті Ашраф Ғанидің Қазақстанда жоқ екенін де мәлімдеді.

Қазақстан президентінің баспасөз хатшысы Берік Уәли Қасым-Жомарт Тоқаев Ауғанстаннан келген босқындар туралы шешім қабылдамағанын айтты.

– Бұл тақырыптағы қауесет орынсыз. Көмек әлемдік ұйым басшылығының ресми өтініші болған жағдайда ғана БҰҰ қызметкерлеріне көрсетіледі, - деп жазды Берік Уәли Facebook-те.