Шымкент қаласы әкімінің орынбасары Мақсұт Исахов пара бергені үшін 8 жылға сотталды.

Оның ҰҚК қызметкеріне 200 мың доллар ұсынғаны айтылған, деп хабарлайды Orda.kz порталы.

Шымкент қаласының қылмыстық істер жөніндегі мамандандырылған ауданаралық соты Мақсұт Исаховты 8 жыл 5 айға бас бостандығынан айыру жазасын орташа режимдегі колонияда  (айыптаушы тарап талап еткен мөлшерде)өтеуге үкім шығарды. Үкім заңды күшіне енген жоқ және 15 күн ішінде жоғарғы органға шағымдануға болады.

Экс-шенеунік жазасын орташа режимдегі колонияда өтейтін болады. Мақсұт Исахов  өмірінің соңына дейін мемлекеттік қызмет атқару құқығынан айырылды.

2023 жылдың 20 шілдесінде ҰҚК қызметкерлері Махсұт Исаховты сыбайлас жемқорлық жасады деген күдікпен ұстады - оған ҰҚК Шымкент қаласы бойынша бірінші орынбасары Манат Сарбасовқа аса ірі көлемде пара бермек болды деген айып тағылды.

Тергеушілердің айтуынша, Исахов Манат Сарбасовқа өзіне қарсы қылмыстық істі тоқтату үшін 200 мың доллар ұсынған.

Исахов одан жарты миллион доллар бопсалаған ҰҚК басшысының орынбасары екенін, Манат Сарбасов кек алу және жеке өшпенділік үшін Исаховты қылмыстық жауапкершілікке тартамын деп қорқытқанын айтты.