Шымкент қалалық ПД бастығының қызметкерлерге ұрысқан сәті жарияланды

Шымкент қаласы полиция департаментінің бастығы Ералы Жұмаханбетов өзіне арыз айтып келген тұрғындарды қабылдау кезінде қызметкерлеріне ұрысқан видеосы telegram-арнада жариялады.

Полиция генералымен сөйлесіп отырған әйел қызметкерлерге арызданып келген, ал Ералы Жұмаханбетов өз кезегінде кеңсе ішіндегі майорды жекіп тастады.

– Шешеңді өстіп Құдай қинасын, майор. Түсіндің бе? Шешең бар ма? Осылай жылатсын. Басқа не айтам саған? Ақымақ қылып қинасын. Бәріңнің шешелеріңді осылай қинасын! Не деген оңбаған адамсыңдар? Ұяттарың жоқ! Не істеймін енді? Көріп тұрсыз ғой. Тексертемін ана жігітке... Еее, іс қозғамайтын болсаң, ісім сенімен болады, түсіндің бе? Алдыңдағы істерді көтеремін, өзіңе іс қозғатамын егер осыған іс қозғамайтын болсаң,- дейді полиция генералы.

Еске салсақ, 8 желтоқсанда Шымкентте тергеу кезінде 31 жастағы ер жігіт көз жұмған. Бұл іс ҚР Қылмыстық кодексінің 106-бабы бойынша тіркелген. Күдікке үш лауазымды полицей іліккен.