Шымкент әкімінің бұрынғы орынбасары Мақсұт Исаховқа үкім шықты

Шымкент қаласы әкімінің бұрынғы орынбасары Мақсұт Исаховқа қатысты атышулы сот процесі аяқталды. Ол сегіз жыл бес айға бас бостандығынан айырылып, өмір бойына мемлекеттік қызметте қызмет атқаруға тыйым салынды.

Исахов жазасын орташа режимдегі колонияда өтейтін болады.

Экс-шенеунікке ҰҚК бірінші орынбасары Манап Сарбасовқа ірі көлемде пара берді деген айып тағылды. Тергеу бойынша 200 мың доллар үшін комитет мүшесі «Старт-Строй» ЖШС басшысы Жарқынбек Егізбаевтың арызымен әкімдік қызметкерлеріне қарсы қозғалған істі жабуы тиіс болған. Кәсіпкер шенеуніктің мемлекеттік сатып алу конкурсында жеңіске жеткені үшін одан ірі көлемде ақша талап еткенін алға тартты. Айтпақшы, прокуратура Шымкент қаласы әкімінің бұрынғы орынбасарына «қылмыстық құқық бұзушылық болмаған жағдайда» деген баппен мемлекеттік сатып алуда компанияның мүддесін лоббирлеуге қатысты айыптауды алып тастады.

Мақсұт Исахов сотқа дейінгі тергеу кезінде де, сот басталғалы да өзіне тағылған айыптардың барлығын жоққа шығарды. Оның сөзіне қарағанда, қорқытты деген күдікпен одан бастапқыда 500 мың доллар талап еткен ДҰҚК қызметкері Манап Сарбасов. Сарбасовтан тергеу изоляторында жауап алынды, өйткені оның үстінен қызметтік өкілеттіктерін асыра пайдаланғаны үшін қылмыстық іс қозғалған.

Қорғаушы тарап барлық айыптар құқық бұзушылық жағдайын жасанды түрде пайдалану мақсатында қылмыстық іс жүргізу кодексі нормаларын бұза отырып алынған бұрмаланған материалдар мен дәлелдерге негізделгеніне сенімді.

Исаховтың адвокаты үкімге шағымданбақ.