Шымкент әкімі Ұлы Отан соғысы ардагерлеріне пәтер сыйлады

Бүгін Шымкент қаласының әкімі Ғабит Сыздықбеков Жеңіс күні қарсаңында Ұлы Отан соғысының ардагерлері Мұратәлі Төлепбергенұлы мен Нина Мосуноваға Мемлекет басшысының арнайы жолдаған Алғысын жеткізіп, пәтер кілттерін табыстады.
«Біз 9 мамырда бейбіт өмір мен тыныштықты қорғау жолында құрбан болып, майдан даласынан қайтпай қалған батырларымыздың рухына тағзым етеміз. Соғыс және тыл ардагерлеріне шексіз ризашылық білдіріп, айрықша құрмет көрсетеміз» делінген Президент құттықтауында.
Мегаполис басшысы аға буынның екінші дүниежүзілік соғыс кезіндегі ерлігі мен еңбегі өскелең ұрпақ үшін қайсарлықтың, жанқиярлықтың және отаншылдықтың озық үлгісі болып қалатынын айрықша атап өтті.
«Біз Жеңістің құндылылығын ешқашан ұмытпаймыз және бостандық үшін қаза тапқан батырлардың жарқын жадына тағзым етеміз. Сіздердің бойларыңыздағы ерлік пен ұлы рух, батылдық пен батырлық болашақ ұрпақ үшін табандылық пен патриотизмнің лайықты үлгісі болып табылады», - деді Ғабит Сыздықбеков.
Ғасыр жасаған қарт майдангерлер шексіз ризашылықтарын білдіріп, шынайы алғысын жеткізді.
Айта кетейік, бүгін Шымкентте Жеңіс мерекесі айрықша салтанатымен аталып өтті. Ғабит Сыздықбеков соғыс ардагерлерімен бірге «Даңқ мемориалына» гүл шоғын қойып, Ұлы Отан соғысы жылдарында қаза тапқан жауынгерлердің рухына тағзым етті.
Шаһар тұрғындары да «Мәңгілік алау» монументіне гүл шоқтарын қойып, марқұмдарды бір минут үнсіздікпен еске алды.
Осы ретте айта кетейік, қала әкімі Ғабит Сыздықбековтің тікелей ұсынысымен Жеңістің 79 жылдығына орай ҰОС ардагерлеріне көрсетілетін көмек көлемі 1 329 120 теңгеден 2 000 000 теңгеге дейін арттырылды. Сондай-ақ ҰОС ардагерлеріне теңестірілген азаматтарға 166 140 теңге төленді. Бұған дейін олар 132 мың теңге алған.
Тыл еңбеккерлеріне де материалдық көмек көрсетілді. Өткен жылы оларға 41 400 теңге төленсе, биыл бұл сома 55 380 теңгеге ұлғайтылды.
Жаңалықтар
- Қапшағайда әйелдің қазасынан кейін айтылған сынға әкімдіктегілер үн қатты
- Астанада Перизат Қайратқа қатысты сот отырысы жартылай жабық өтеді
- Жезқазғанда ойын алаңын өртегендердің кім екені белгілі болды
- Алматыда 13 адамның мүрдесі шыққан хостелге қатысты сот үкімі шықты
- «Жабық ел»: Украиналық телеарна Түркіменстан билігінің ашуына тиді
- Ақмола облысында сот «жала жапқан» әйелді ақтады
- Перизат Қайратқа қатысты сот басталды
- ІІМ алаяқтардың айласына түскен журналист Кәкен Қамзин туралы түсініктеме берді
- Алматы облысы әкімінің орынбасары жол апатына ұшырады
- Медициналық колледждерге түсу ережесі өзгерді
- Ұлттық қорғаныс университетінің полковнигі әйел зорлады деп күдікке ілінді
- Сауд Арабиясында қазақстандық пауэрлифтингтен Азия жүлдегері ұсталды
- Шымкентте жастар театрының басшысы сыбайластарымен бірігіп қомақты қаражат жымқырды
- Талибан басшылары әйелдердің құқығын таптағаны үшін қамауға алынады
- Бақыт Қажыбаев Қытайдағы халықаралық кинофестивальде «Үздік актер» атанды
- Тәуелсіз «Орда» басылымын рейдерлік жолмен тартып алмақ: Басылымды неге түртпектейді?
- Ақтөбеде демалыс орталығында жарақат алған 9 жастағы қыздың анасы көмек сұрады
- Сауда министрлігі АҚШ-тың жаңа тарифтеріне қатысты мәлімдеме жасады
- 2021 жылдан бері Қазақстанда екі миллиард ағаш отырғызылып жатыр. Соның қаншасы шынымен орманға айналады?
- ҰҚК құрамына енген Антикор тізгінін жаңа басшы ұстады