Шымкент: 12 жастағы қыз егіз бауырларын өрттен құтқарды

Шымкентте 12 жасар қыз отқа оранған үйден бір жастағы егіз бауырларын құтқарып қалды.

Отырар мәліметінше, оқиға 15 шілде күні түнде Қайнарбұлақ саяжайында болған. Өрт басталған кезде ата-аналары үйде болмаған. Қыз орындықтың жанғанын көріп, отты сөндіруге тырысады. Бірақ жалын тым күшті болды. Бұл бөлмеде бір жастағы егіздер ұйықтап жатқан. Әпкесі ұзақ ойланбастан егіздердің бірін көшеге алып шығады. Кейін үйге оралып, екінші бауырын құтқарады.  

– Балаларды қолынан ұстап, бір-бірлеп үйден шығарған. Маған «анашым, інімді шығарар кезде оны далаға отырғызып кеттім. Әрі қарай жүгіру керек болды, кешіріңіз» дейді. Шынымды айтсам, мен шошып кеттім, ол да бала ғой. Қорқып, қашып кетуі мүмкін еді. Кейін біз балаларды көршімізге апардық, үй толығымен жанып кетті деп айтпадық, – деп еске алды Мария Саворовская.

Құтқарушылар келгенге дейін олар өртті өз беттерінше сөндірген. Әйелдің айтуынша, егер газ балоны тұрған ас бөлмесіне от түссе, жағдай қиын болар еді. Өрттің себебі, кондиционердегі тоқ сымдарының тұйықталуы болуы мүмкін.