Шымбұлақта рестобар өртенді

Өрт сағат 05:00-де басталды, 08:00-де өрт оқшауланды.

Алматыда Медеу ауданындағы «Шымбұлақ» тау-шаңғы базасында үш қабатты «Облака» мейрамханасында өрт шықты.

Қазақстан Республикасы Төтенше жағдайлар министрлігінің алдын ала мәліметі бойынша, өрт 800 шаршы метр аумақты (теңіз деңгейінен 3200 метр биіктікте) шарпыған.

«Арнайы өрт сөндіру техникасы кіретін жолдардың болмауына байланысты өрт ішкі өрт крандары арқылы сөндірілуде»  деп хабарлады министрлік.

Өртті сөндіру үшін өрт сөндірушілер қар тазалағышты қолдануға мәжбүр болды.

Сағат 08:05-те өрт оқшауланып, 08:30-да жойылғаны атап өтілді.

Өрт салдарынан ешкім зардап шеккен жоқ.

«Комби-2»  аспалы жолының жұмысы тоқтатылды. Кейбір жолдар да жабылды.