Шымбұлақта қысқы  маусым ашылды

Алматыда «Шымбұлақ» тау шаңғысы курортында шаңғы маусымы ашылды.

Аптасына үш күн – сейсенбі, бейсенбі және сенбі күндері қалағандар үшін түнгі шаңғы тебуге арналған трек қолжетімді болады, деп хабарлайды курорттың әлеуметтік желідегі  ресми парақшасы.

Жалпы, тау шаңғысы курортында ұзындығы 25 шақырым болатын әртүрлі қиыншылықтағы 14 еңіс бар.

Биылғы маусымда Шымбұлақта Almaty Extreme Games және Happy Hour Camp фестивальдерін, сондай-ақ фристайл могул және фристайл акробатикасынан 2022/23 жылғы әлем чемпионатының Гранд финалын өткізу жоспарлануда.

Сонымен ұатар  «Ой-Қарағай» тау шаңғысы курортының ресми ашылуы 3 желтоқсанға жоспарланған, бұл туралы желідегі Оi-qaragai парақшасында хабарланған.

Маусымның ашылуына байланысты Оңтүстік астана тұрғындары мен қонақтары жалпы ұзындығы 22 шақырымды құрайтын 20 шаңғы мен шана жолағын пайдалана алады.